الشعر الطويل (لدى الشباب)

[بو خالد]

في الفترة الاخيرة


لاحظنا كثرة انتشار (الشعر الطويل ) لدى الشباب


والغريب أن حتى اللي عاش طول عمره على الشعر(القصير) قام يطوله !!
ليس ذلك فحسب بل أصبحنا نرى مالا تستوعبه العين
الاهتمام (المبالغ ) فيه والذي لايليق أن يكون في رجل !
فنرى ( القصات ) المختلفه و(التسريحات) المنوعه بالاضافه الى استخدام (السشوار)
الى أن تصبح العين في حالة (تشويش) بحيث لاتستطيع أن تميز ان كان هذا رجل أم امرأة !!



ترى ماسبــب هذا التغييــر المفــاجــئ .. ماسبــب هــذا الانتشار ؟
هل أصبح شبابنا أيضاً من تبـاع الموضه ؟! .. كما هو الحال عند الفتاه!!



طبعا انا ما عرفت وين احط الموضوع...فقلت خل احطه في القسم العام ;)

وهذا الموضوع للنقاش ابغي الكل يعطي رايه في للموضوع بدون (تحيز):rolleyes:
ومبغي حد يقول مشكوووووور وخلاص ابغي تفاعل:mad:

[ولد البدر]

مرحبا اخوي بوخالد


الصراحة موضوع مميز

شوف

هو اول شي يكون من دافع التقليد .. تلقى واحد يقلد رفيجه ,, ورفيجه يقلد شخصية مشهورة

وعلى نفس المنوال


وثاني شي يقول لك الشاب إذا طولت شعري اتبع السنة

هو صحيح كان الرسوال - صلى الله عليه وسلم - كان يطول شعره ويهتم فيه لكن مب مثل الي نشوفه في شبابنا اليوم

والسنة الصحيحة تطويل الشعر على طول متساوي
لكن الشباب يسون قصات في شعورهم

وهذا رايي .. واتمنى انه محد يزعل من رائي لانه يبقى وجهة نظر


ولي عوده للموضوع للنقاش مرة اخرى

تحيااتي للكل

[المشرف العام]

اخي العزيز بوخالد

الاوليين كانوا يطولون شعرهم بس في اسباب اظن حسب وجهة نظري عدم تمكنهم من الحصول على امكانات الحلاقة والزينه وعدم توافق الجو العام مع التزين كذلك لانشغال الناس لكسب العيش والسفر والترحال.

مع ان الشعر الطويل حريه شخصيه لكن الشعر الطويل ليش من طبيعة الرجل بشكل عام لأنه نوع من زيادة الرفاهيه وتقليد للاخرين بدون معنى .....

اظن ان مثل هذا التصرف نوع من لفت النظر من الاخرين للشاب اللي مطول شعره وايضا نوع من المباهاة بالوضع الاجتماعي

بس اظن انخا مرحلة وتنتهي

هذا رأي مع تقديري للجميع

[بو خالد]

مرحبا اخوي بوخالد


الصراحة موضوع مميز

شوف

هو اول شي يكون من دافع التقليد .. تلقى واحد يقلد رفيجه ,, ورفيجه يقلد شخصية مشهورة

وعلى نفس المنوال


وثاني شي يقول لك الشاب إذا طولت شعري اتبع السنة

هو صحيح كان الرسوال - صلى الله عليه وسلم - كان يطول شعره ويهتم فيه لكن مب مثل الي نشوفه في شبابنا اليوم

والسنة الصحيحة تطويل الشعر على طول متساوي
لكن الشباب يسون قصات في شعورهم

وهذا رايي .. واتمنى انه محد يزعل من رائي لانه يبقى وجهة نظر


ولي عوده للموضوع للنقاش مرة اخرى

تحيااتي للكل

كلامك 100%100 صح
ولا ازيد ولا حرف....ومشكوووور على مرورك الطيب ويعطيك العافيه

[بو خالد]

مع ان الشعر الطويل حريه شخصيه لكن الشعر الطويل ليش من طبيعة الرجل بشكل عام لأنه نوع من زيادة الرفاهيه وتقليد للاخرين بدون معنى .....

ا

هلا اخوي المشرف العام...حبيت اشكرك على مروورك الطيب:rolleyes:

وانت اتقول ان الشعر الطويل (حريه شخصيه) فما سبب منع الشعر الطويل في المدرسه؟ولماذا؟

وانا اقول كذا مب يعني اني مأيد هذا الشي...لا بس بعض الشباب يفكرون بهذه الطريقه انكم اتقولون حريه شخصيه وتمنعونها...ليش مادري !!:confused:

وانا من رايي اني مب متحيز لفكره معينه يعني انا لا مع الشعر الطويل لدى للشباب ولا ضد

وطبعا هذي وجهة نظرك ونحترمها واكيد كل واحد له وجهة نظر تختلف عن الآخر..ويجب على الجميع احترامها..
واتمنى ان محد يزعل مني...مع تحياتي

[MAXI7]

حبيت اقولك يا بوخالد انه للمدرسه قوانين ويمكن راي المشرف العاام في المنتدى غير عن غيره في المدرسه ...

والصراحه هذا موضوع يجب ان نتحدث عنه لان مثل الفايروس ...


وحبيت اوصل معلومه عن اللي قال سنه ...؟


انا الحين بسألك سوال .... اللي يطولون شعورهم كلهم
1- يصلون السنه بعد الفرض ..
2- كلهم يحفون الشنب او تخفيفه ..
3- كلهم يربون العارض .. ويثقلونه ..

فرجاءاا لحد يقولي اني امطول شعري عشان السنه .. لانه الانسان ياما يتبع سنه الرسول صلى الله عليه وسلم في كل شي وياما ولاشي ...

لان مايصير الواحد ياخذ شي ومايبي الشي الثاني ...


اوكي ويعطيكم العافيه .... ؟؟